تبلیغات
هـــــــــــــــــــــــــــزارمـــــــــــســــــجـــــــــــــــــــــــــــــــــــــد - شعر دمدم شماره دو
 
هـــــــــــــــــــــــــــزارمـــــــــــســــــجـــــــــــــــــــــــــــــــــــــد
بـــــــــسم الله الرحـــــــــــــــــمن الرحیـــــــــــــــم
گازییه‌ک دن ل به‌ر خدر زندی‌و خدر ئلیاسان، نه‌مرن، سه‌یاحن، که‌س ئودا وان پێ نزانه‌
گازییه‌ک دن ژ بوَ ئیمام حه‌سه‌ن‌و حوسێن ێن غه‌ریب، مه‌رقه‌دا وان ل مه‌شه‌دێ‌و که‌ربه‌لانه‌، عه‌جه‌م ‌و کومره‌ش وا دچن زیاره‌تێ، دبێژن روَژا قیامه‌تێ خودا دێ بده‌مه‌ ئیمانیه‌
گازییا من بوَ حزره‌تێ عه‌لی روَژا ئین‌و جماعه‌تان، سوارێ دندلێ، ده‌ست داڤێژه‌ زولفه‌قارێ، دچه‌ خه‌زایا گاورانه‌
گازییا دن ژبوَ که‌سکپوشێ، ل حاجی خوشێ‌و ترشه‌کانه‌
گازییا دن ل به‌ر شوره‌ سوار سولتان سه‌عیدێ وه‌قاسی، مالخێتی دکر ل کوپکێن کووستانیه‌

شعر دمدم شماره دو

گازییه‌ک دن ل به‌ر خدر زندی‌و خدر ئلیاسان، نه‌مرن، سه‌یاحن، که‌س ئودا وان پێ نزانه‌
گازییه‌ک دن ژ بوَ ئیمام حه‌سه‌ن‌و حوسێن ێن غه‌ریب، مه‌رقه‌دا وان ل مه‌شه‌دێ‌و که‌ربه‌لانه‌، عه‌جه‌م ‌و کومره‌ش وا دچن زیاره‌تێ، دبێژن روَژا قیامه‌تێ خودا دێ بده‌مه‌ ئیمانیه‌
گازییا من بوَ حزره‌تێ عه‌لی روَژا ئین‌و جماعه‌تان، سوارێ دندلێ، ده‌ست داڤێژه‌ زولفه‌قارێ، دچه‌ خه‌زایا گاورانه‌
گازییا دن ژبوَ که‌سکپوشێ، ل حاجی خوشێ‌و ترشه‌کانه‌
گازییا دن ل به‌ر شوره‌ سوار سولتان سه‌عیدێ وه‌قاسی، مالخێتی دکر ل کوپکێن کووستانیه‌
جوَتێن که‌وێن من تیر خارنه‌ ل قزقه‌پانه‌
که‌ڵ ژ من یاغی بوون ل چیمه‌نێ هوزانه‌
خوه‌ش تێ گوهێ من، هارێنا عه‌ربانه‌‌و قرپێنا نیرانه‌
خانم چوونه‌ سه‌ر بانێ برجا دم دم، خوه‌ ئاڤێتن به‌رامبه‌ر که‌ڤرێ شه‌مشیرخانه‌
خانێ من دلبرینه‌، برینداره‌ک دل بخوینه‌، من بالا خوه‌ دا چیمه‌نێ هوزان چ که‌سک‌و شینه‌، چه‌مێ به‌راندێزێ، چ زلال‌و شیرینه‌, دیوه‌خان به‌تال کرن بوَ که‌س نه‌ما، بوَ مه‌ژی نامینه‌
خانێ برادوستان گوته‌ خان عه‌ودالێ موکری: ئه‌زێ ژ ته‌را ببم برایێ دایک‌و باڤانه‌، ئه‌زێ ژ ته‌ره‌ ده‌ست باڤێژم سه‌ر بالچوغێ شێرانه‌. کێلان ژ ته‌ره‌ بهێلم ل بنه‌بانا دمدمه‌
خه‌نجه‌ران ژ ته‌ره‌ بشکینم خێنجی نێروه‌ییه‌
ئه‌زێ شیران ژ ته‌ره‌ بشکینم خێنجی دانزغییه‌
ده‌مانجان ژ ته‌ره‌ بشکینم خێنجی مسرییه‌
توڤنگان ژ ته‌ره‌ بشکینم خانێ من خێنجی هۆستا شاقولییه‌
ئه‌زێ ڕمان ژ ته‌ره‌ بشکینم خانێ من خێنجی نه‌زه‌رییه‌
مه‌رتاڵان ژ ته‌ره‌ بشکینم خانێ من خێنجی که‌رگه‌ده‌نانه‌
ئه‌زێ زرییان ژ ته‌ره‌ بقه‌تینم، خانێ من، خێنجی داوودییه‌
هه‌سپان ژ ته‌ره‌ بخم خانێ من، خێنجی سه‌گلاوییه‌
مێران ژ ته‌ره‌ بخم خێنجی سی سالییه‌
مه‌گه‌ر شه‌ڕه‌ک وا کربه‌، روسته‌مێ مازه‌نده‌رانیه‌، ل بنیا چیایێ ده‌ماوه‌ندێ, دێوه‌ک ده‌رخست ب زه‌ربا شیریه‌
مه‌گه‌ر شه‌ڕه‌ک وا کربن، خورتێن ئیرانێ بوَ خوینا سیاووشیه‌
دلێ خانێ من برینداره‌، برینداره‌ک چه‌ند دل ب خوینه‌! ئه‌زێ ژ ته‌ره‌ بچم گه‌ڕا دمدمێ، چ دمدمه‌که‌ ره‌نگینه‌.
چه‌مێ به‌راندێزێ چ زه‌لال‌و شرینه‌!  ژ من ره‌ بوویه‌ کوشکا ئه‌جنان خه‌مخوران دبرینه‌، ژ پاشایا هه‌یا خونکاران، ژخونکاران هه‌یا پاشایانه‌. خان ل گه‌ل عه‌ودالێ هه‌ڤریێ خوه‌ دگه‌ره‌ ل دم دمێ ده‌زگایه‌, ل ئێسفه‌هانێ  لێ کر هزر و ڕایه‌. شا عه‌باس دبێژه‌: حه‌سه‌ن خانوو! بلا ئه‌م بکن ته‌یبیرو رایه‌، ب سه‌ر مه‌دا هات زڤستانه‌، زڤستان چوو ده‌رباز بوو هاوینه‌، تو له‌زێ بکه‌ بله‌زینه‌ کاره‌کێ ژ مه‌ره‌ پێک بینه‌، دم دمێ ژ من ره‌ بستینه‌. ئیسال هه‌فت ساله‌ ژ من یاغینه‌.
گوت: پاشا!  جه ئاسییه‌ ئه‌ز ناچمێ، هیمداد دێ ژێره‌ بهێ ل ئورمیێ، دێ مه‌ بشکینه‌,
و ته‌ڤلیهه‌ڤ بکه‌ کومێ, دێ مه‌ بکه‌ که‌ڤرێ بن گومێ،  خه‌لک دێ ژ مه‌ بکه‌ لومێ.
شا عه‌باس دبێژه‌:: حه‌سه‌ن خانێ مال خراب ب غه‌ره‌زه‌، به‌س بکه‌ گوتنێن نه‌ ته‌رزه‌! رابه‌ ل پێش چاوێ من هه‌ره‌، ببه‌زه‌، دێ ژ هیمدادێ ته‌ بدم ئه‌زه‌،دم دم ژ زکێ وی ب غه‌ره‌زه‌.
حه‌سه‌ن خان دبێژه‌ پاشا به‌س ل سه‌ر من بکه‌ مه‌کر‌و نازان، گه‌ر ئه‌ڤ زڤستانه‌ ده‌رباس به‌ وان زوویان ل من ره‌ش بکن هه‌ر دوو روویان، من دانێنه‌ جهێ جهوویان
مه‌یته‌ران هه‌سب ده‌رخستنه‌، زین ل پشتا وان شداندنه‌، ته‌داره‌ک‌و نالبه‌ندانه‌، چه‌په‌ر ده‌رباز بوو سه‌ر عێلانه‌، ب سه‌ر باژارو ویلایه‌تانه‌، ئه‌و ئیرات‌و ئیره‌وانه‌، ره‌شت‌و کشمیرو گیلانه‌، بهێ ژ ئورمییه‌‌و لاجانه‌، سندوس بهێ‌و موکریانه‌، سنه‌، سنور، کرماشانه‌، ده‌رگه‌زینه‌، رژدستانه‌، هه‌وێزه‌‌و شوشته‌ر ومه‌ریوانه‌، سه‌د هه‌زار خان‌و سولتانه‌، پایته‌ختا وان ئێسفه‌هانه‌.
ده‌رکه‌وت ل ئێسفه‌هانێ، ل قووشه‌نێ ل توغیانێ  دار و که‌ڤر هاتن هه‌ژیانێ، توزێ گرت به‌رێ عه‌سمانێ، بوو روَژا ئاخر زه‌مانێ.
 ژ قووشه‌نان که‌ت ولوله‌ ‌و له‌شکر هاتن تیپ ب تیپ ئاڤا بوویه‌، ئوده‌ک وان هات قه‌فلانکووه‌.
ژ وان کافرێن ب فێله‌, سه‌رێ رمێن وان مینا بیله‌،  له‌شکه‌ر ل دیڤ بوو خێله‌، ئوده‌ک وان هات ئه‌رده‌بیله‌.
کافران هاژووت ل مه‌جیزێ، مه‌لعوونه‌ تێنه‌ رێزێ، ئوده‌ک وان ژ ده‌شتا ته‌ورێزێ، تێ له‌فه‌ له‌فا په‌یداغان، تێ ده‌نگێ زری ‌و قولچاغان، ئودا وان بناو ‌و مه‌راغان
قووشه‌ن تێ رێ ب رێیه‌, دبێژه‌ خانێ موکری ل کوده‌رێیه‌؟ ئۆده‌ک وان ل ده‌شتا خویێیه‌ز له‌شکه‌ر هاژووت نه‌مازه‌ ل خانێ موکری دپرسه‌: له‌شکه‌ر ل ده‌شتا سندوسه‌، چ له‌شکه‌ره‌ک ب قرم‌و قاله‌، ب هێز‌و زمزمه‌یه‌، هات‌و گرت گه‌لیێ دارنه‌یه‌. ره‌حمان به‌کر ب وان ره‌ هه‌یه‌
هه‌وار گهیشت خانییه‌، خوه‌ به‌رهه‌ڤ بکه‌ت قه‌وییه‌، عاله‌م بوَ شه‌رێ وی بزاڤتییه‌، چ خوه‌ش شه‌ره‌ ل سه‌ر ئاخ‌و دینی یه‌.
خان دبێژه‌ گه‌ر ئه‌و پاشا به‌ ئه‌ز ژی خانم، ئه‌ز ب خالق خودان پشتیوانم، خولامێ ره‌وه‌دا شێرانم، ئه‌ز بکوژێ گشت عه‌جه‌مانم(شیعانم)
روَژه‌کێ سبێ زوو له‌شکه‌رێ پاشا هات سه‌رده‌، نخاوتن که‌ڤرو دارو ئه‌رده‌،  ده‌رباز بوو بنیا دمدمێ ورده‌.
دمدم که‌ڤرێ مه‌یدانێ، لێده‌ن توپێن ئسفه‌هانێ، توزێ گرت به‌ری ئه‌سمانێ، مێران داگرتن کوَرک‌و بلنداهیێن مانێ، بوویه‌ روَژا ئاخر زه‌مانێ
دمدم که‌ڤرێ نزاری، لێدان توپێن هه‌وشاری، حه‌وت شه‌و‌و روَژان ئاگر باری، دنیا داگرت ب ئێکجاری، هه‌وار گه‌هیشت هه‌وشاری
دمدم که‌ڤرێ ژ که‌ڤری، لێ دخن توپێن نه‌به‌ردی، هه‌یا روَژا مه‌ردی و نامه‌ردی
دمدم که‌ڤرێ زوَپه‌، لێ خستن توپخانه‌‌و کوپه‌
دمدم که‌ڤرێ پانه‌ لێ خستن توپ‌و توپخانه‌، که‌لا وێ بکن وێرانه‌
دمدم که‌ڤرێ مه‌یدانێ، لێ دخن توپ ل کارخانێ، کاریته‌ گه‌هیشتن هوزانێ
دمدم که‌ڤرێ رازێ یه‌، لێ دخن ب توپێن که‌له‌یه‌، کاریته‌ گه‌هیشتن کووکێ یه‌
خان مژوولی خه‌زاێ یه‌!
دمدم که‌ڤره‌ک شینه‌، چوار زڤستانه‌، پێنج هاوینه‌، خانێ ویی له‌پ زێرینه‌، زه‌فه‌ر پێ نه‌برینه‌
وه‌کیل‌و وه‌زیر دبێژن خانێ من ئه‌وه‌ کێنه‌؟
خان دبێژه‌:ئه‌وه‌ کاروانینه‌
خان مژوولی خه‌زایێ یه‌!
خانه‌ک رابوو ل ناو کوردان، کێ بوو؟ ئه‌حمه‌د به‌گێ لیتان، روویێ وی ره‌ش به‌ ل گه‌ل جهوویان! ب سل بوونه‌کێ چوو بال وان. نیشا وان دا سووله‌خان، کێ بوو ئه‌و کافره‌ بێ ئیمانه‌، تێ کرن هه‌ش ‌و ده‌رمانه‌ پێ قڕ دبوون بسلمانه‌، ژ وان بوو روَژا ته‌نگانه‌، ل بال وان ئاخر زه‌مانه‌، پر گرییان ئه‌و خاتوونانه‌ نه‌ جهه‌, نه‌ مه‌کانه‌، خودا ژ وان ره‌ ببه‌ پشتیوانه‌.
 خاتوونه‌ک تێ مه‌یدانێ ، دلێ خان ده‌ده‌ به‌ر تانێ، ژ ته‌ حه‌رامبه‌ جهێ کابانێ، ئاڤ ننه‌ ئه‌م پێ بکن شێلانێ
خاتوونه‌ک تێ‌و دبه‌زی: دبێژه‌ ره‌بی مار ته‌بگه‌زی، ل من ره‌ش بوون سه‌ر‌و که‌زی
خاتوونه‌ک تێ ب فه‌قیری، چووک چه‌قاند ل پێشیا میری: خان ، وای ل منێ فه‌قیرێ، ئاڤ نینه‌ ئه‌م پێ بکن هه‌ویرێ، خانێ من حه‌یفه‌ توَ بۆ ناکی ته‌یبیرێ.
خان مژوولی خه‌زاێ یه‌ّ!
کێ بوو؟ خانێ له‌پ زێرینه‌، ل شه‌رافه‌تا خاتوونا شیرینه‌، به‌فره‌ک باری ل هاڤینه‌، ژ به‌ر خاترێ له‌پزێرینه‌، حه‌وت شه‌و ‌و روَژان ب وێ ژینه‌
هزرا وان وابوو ب هه‌زاره‌: سوار که‌ن خدرێ برینداره‌، ب چه‌په‌ر هه‌ره‌ خزمه‌تا خونکاره‌
وه‌زیر گوت ب وێره‌کی:  باشه‌ کاغه‌زه‌کێ بشینی، که‌لێ بوَ  شاه‌ بجه بهێلی
 کێ بو؟  بالا خوه‌ بده‌ خانێ جندییه‌: کوَتییه‌ تایفا ڤی خه‌زاییه‌، حه‌چی بحه‌لێ کێشه‌ نییه‌، حه‌چی بمره‌ گوَرییه‌، حه‌چی بێ کوشتن خه‌زاییه‌
تایفه‌ک هه‌بوو، تایفا کافری، گوتنه‌ خان: تو هنده‌ پوچ‌و ناماقوولی، حه‌یا سه‌رێ ته‌ دگری، ده‌ست ب شیر ئه‌مێ هه‌رنه‌ له‌شکری
بالا خوه‌ بدێ خانێ جندی گووت: گازییا حه‌ق بوَ خودێ یه‌، بێ شریکه‌، شریکێ وی نییه‌، غه‌یری خودێ تو که‌س نییه‌، هه‌وارا مه‌ بوَ شیخێ گه‌یلانی، شێخ جومدیێ به‌غداییه‌، سولتان مه‌عروفێ که‌رخی یه‌، بابێ فه‌رخێ داوودییه‌، بابێ رابیعێ‌و عه‌ودییه‌، بابێ شمسێ ته‌ورێزییه‌، شێخ مه‌حموودێ باله‌کی یه‌، عه‌ودلعه‌زیزێ شنوَییه‌، شێخ ره‌شێ گه‌رگه‌روَییه‌
ل مه‌یدانێ شه‌ره‌‌و قه‌رقه‌شه‌، ل جهێ نێچیرێ که‌تبوون له‌شه‌، خان پرسی ئه‌وه‌ کییه‌؟
خان! ئوه‌ قیرێنا ئه‌سحابێ ره‌شه‌
سواره‌ک هاتیه‌ ب هه‌سپێ، بوزه‌, خان دپرسه‌ ئه‌وه‌ کییه‌؟
خان! ئه‌وه‌ گوره‌گرا پیروتێ مه‌رگییه‌
سواره‌ک هاتیه‌ ب نادره‌، که‌س تونه‌یه‌ چه‌کان وه‌رگره‌؟ خان دپرسه‌ ئه‌وه‌ کییه‌؟
خان ! ئه‌وه‌ حزره‌تی خزره‌
سواره‌ک هاتیه‌ بوَ گه‌شتێ، سووره‌ هه‌یا بحه‌شتێ، خان دپرسه‌ ئه‌وه‌ کییه‌؟
خان! ئه‌وه‌ وه‌یسیێ ماهیده‌شتییه‌
سواره‌ک هاتییه‌ ل کارخانێ د ده‌ستان ده‌ سوره‌تێ ئیمانێ، خان دپرسه‌ ئه‌وه‌ کێیه‌؟
خان! شێخ عه‌ودلقادرێ گه‌یلانی یه‌
سواره‌ک هاتییه‌ هونه‌رمه‌نده‌، ئالاڤێن ڤی ب رندیه‌، خان دبێژه‌ ئه‌وه‌ کێیه‌؟
خان! ئه‌وه‌ پاشایێ نه‌قشبه‌ندیه‌
سواره‌ک هاتیه‌ ب هه‌سپێ تازه‌، مل ب قه‌تلا پر ئه‌نگازه‌، خان دبێژه‌ ئه‌وه‌ کێیه‌؟
خان! ئه‌وه‌ ژی سولتان سه‌عدێ وه‌قازه‌
سه‌لاح شووران ده‌ست دا چه‌کان، ل گه‌ل سه‌فا مه‌له‌کان، تێ گوڕه‌گوڕا شێخێ باله‌کان
خان مژوولی خه‌زایێ یه‌!
 هات عه‌شراموبه‌شره‌، هه‌مزه‌، عه‌باس‌و حه‌یده‌ره‌ ل گه‌ل یه‌قووبێ سه‌ر ب په‌ڕه‌, عه‌له‌مدارێ سولتان سه‌مه‌ره‌، بلا بێ ئالایا نه‌بی یه‌، حه‌فت تیپ ته‌ڤلی هه‌ڤ کرییه‌، خان دپرسه‌ ئه‌وه‌ کێیه‌؟
هه‌وارا حزره‌تی عه‌لییه‌
بلا بێ به‌یداغێ پێغه‌مبه‌ر، هه‌مزه‌ بهێ ل گه‌ل عومه‌ر، بهێ خالدێ کورێ وه‌لی
خان مژوولی خه‌زاێ یه‌!
خان دبێژه‌ عه‌ودال به‌گ کورێ بابو، تو گوه‌ بدی من دێ چێبه‌
دبێژه‌: بابو چ بکه‌م رێل و دارستانه‌ بداوی ناهێ
بلا بکن مه‌حتا هورمز به‌گه‌،، رمێ نه‌زه‌را وی بچه‌نگه‌، ژ هه‌زاران دبارینه‌ مه‌رگه‌
خان عه‌ودال‌و که‌کێ خان، حه‌فت روَژ‌و حه‌فت شه‌وان، شه‌ڕ کرن ب شیران. شیر حازر بوون هه‌ر ده‌ران، که‌له‌ش که‌تبوون وه‌ک گران، خوین حه‌رکی مینا جوکان، بالچوغێن شێران نه‌مانه‌، شه‌هید کرن که‌کێ خان
خان دبێژه‌!  ئه‌ز خانێ خه‌زایێ مه‌، هه‌یا ل دنێ ئه‌ز زندی مه‌، ئه‌ز بخوه‌ په‌رژینا شه‌ری مه‌
خان عه‌ودال‌و که‌کێ خان، گرێدان عه‌هد‌و په‌یمان، ده‌ست به‌ر ناده‌ن ژ وان کار‌و عه‌مه‌لان
گازییا من ل به‌ر میرێ میران! خان تو بکه‌ ته‌یبیران، حه‌فت په‌ره‌ که‌ر کرن ب شیران
گازییا من ژ پاشایێ قودره‌تێ!
خان شه‌هید کرن ب میر کوتێ خیوه‌تێ
ژ دمدمێ هه‌وار ‌و نالین‌و گری‌و کالێنه‌!
روَژه‌کێ ده‌ما روَژهه‌لاتێ، عه‌جه‌مان ده‌ست ئاڤێت خه‌باتێ،  هێدی هێدی هلدکشیان بن که‌لاتێ
کانێ سوارێ نازه‌نین؟
کێ بوو ژ نفشا ئاده‌مان؟ که‌ل هلگرت ب زه‌مان
کێ بوو ژ وان ئاده‌مانه‌؟که‌ل هلگرت ب زه‌مانه‌، حه‌وت شه‌و ‌و حه‌وت روَژانه‌، شه‌ر گه‌رم کر ب توپانه‌, نه‌هشت که‌ل بکه‌وه‌ ده‌ستێ وانه‌
کانێ سوارێ نازه‌نین؟
 بالا خوه‌ بده‌ ئالێ بجه‌رگه‌، ژوان گرتییه‌ ده‌رگه‌، خه‌نجه‌را وی مینا تیرو خه‌دندگه‌، ژ هه‌زران دبارینه‌ مه‌رگه‌
ژ دمدمێ تێ هه‌وار و نالینه‌، گری‌و کالێنه‌ّ
کێ بوو خاتوونا روو په‌ری، گوت: که‌کێ ئالی تو ب ته‌نێ مای هه‌ره‌ خوه‌ بده‌ ئالی
که‌کێ ئالی دگوت: خاتوونێ ته‌  پووچی‌و ناماقوولی کرییه‌, من تێرا خوه‌ خه‌زا کرییه‌،  شه‌هید کرن که‌کێ ئالییه‌
ژ دمدمێ هه‌وار‌و نالێنه‌، گری‌و کالێنه‌
بالا خوه‌ بدێ خاتوون خانێ دگوت: قه‌بوول ناکه‌م کافرستانی ، ئه‌می خوه‌ باڤێژن ل سه‌ر چل که‌وانی
ئه‌ی دمدم که‌ڤرێ دلان، جهێ خان‌و خان ئاوده‌ٍلان، نها توَ بووی مه‌سکه‌نێ ته‌یر و ٍقه‌لان

+ نوشته شده در  ساعت   توسط میثم کرمانجی از درگز  |  6 نظر




نوع مطلب :
برچسب ها :
سه شنبه 6 دی 1390 :: نویسنده : حسن فولادیان


درباره وبلاگ


مدیر وبلاگ : حسن فولادیان
نظرسنجی
به نظر شمامهمترین مشكل جوانان كدام یك از موارد زیر است؟!








جستجو

آمار وبلاگ
کل بازدید :
بازدید امروز :
بازدید دیروز :
بازدید این ماه :
بازدید ماه قبل :
تعداد نویسندگان :
تعداد کل پست ها :
آخرین بازدید :
آخرین بروز رسانی :

تلفن تماس




در این وبلاگ
در كل اینترنت
New Page 2 عضویت درسایت ] عضویت در سایت کلیک کنید فرم تماس
پس از عضویت منتظر افزودن کاربر با همین مشخصات با شید در انتها نام نویسنده را هم بیان نمایید ایمیل شما همان رمز کاربری است.
Subscribe to 1000masjed

Powered by us.groups.yahoo.com





1000masjed





\
« ارسال برای دوستان »
نام شما :
ایمیل شما :
نام دوست شما:
ایمیل دوست شما:

Powered by blogtools.rozblog.com
 انجمن